Hîzar di werçerxana da (2)

Navê kitêbê: Hîzar di werçerxana da (2)

Nivîskar: Sindis Nihêlî

Weşanxane: Çapxaneya Parêzgeha Dihokê

Sala weşanê: 2014

Hejmara rûpelan: 120

Ev berdewamiya bergê yekê yê Hîzar di werçerxana da ye û babetê herî zal ragehandina dewleta Kurdistanê û hest û hizrên Hîzarê yên di wî warî da ne.

Xwendevan pê dizane ku Hîzar ya ku piştê wergirtina teza doktorayê ji Emerîkayê vegeriyabû başûrê Kurdistanê, mamosteya zanîngehê ye, wê ji Akoyî kurek bi navê Rastî dibe. Ako û ew ji hev vediqetin û Ako yê pêşmerge di şerê li hember Daişê da şehîd dibe.

Hîzar gelek di xema Kurdistanê da ye û çareseriyê di dewletbûnê da dibîne, lê bawer nake ew armanc bi gendeliya heyî bicih bihê. Ew bi wê baweriyê ye xebata dewletbûnê bê serokekê efrît sernagire û ew wê çendê di kesê Tengezarî da dibîne. Tengezar yê ku hemî jiyê xwe bi xebata serxwebûnê ra derbaz kiriye, dest bi şoreşa rewşenbîrî dike û sûnd dixwe ku ew dê dewleta Kurdistanê rabigehîne.

Tengezar, di 2020.03.21 da soza xwe bicih tîne û dewletê radigehîne û roman bi axiftina Tengezarî ya dewletragehandinê ji bo xelkê amadebûyî bi dawî tê.

Ji rûperê 37: ”… em yên mayne bi dev û lêvên êkve ji bo post û kursîk û baqên piyên jinan, vîlayên serên girên bilind û bi deh donem ve sîmekirî û misatehekirî …”

 

ناڤێ کتێبێ: هیزا د وەرچەرخانا دا (٢)

نڤیسکار: سندس نهێلێ

وەشانخانە: چاپخانەیا پارێزگەها دهۆکێ

سالا وەشانێ: ٢٠١٤

هەژمارا رووپەران: ١٢٠

 

ئەڤ بەردەوامیا بەرگێ یەکێ یێ هیزاد د وەرچەرخانا دا یە و بابەتێ هەری زال راگەهاندنا دەولەتا کوردستانێ و هەست و هزرێن هیزارێ یێن د وی واری دا نە.

خوەندەڤان پێ دزانە کو هیزار، یا کو پشتی وەرگرتنا تەزا دۆکتۆرایێ ژ ئەمەریکایێ ڤەگەریابوو باشوورێ کوردستانێ، مامۆستەیا زانینگەهێ یە، وێ ژ ئاکۆیی کورەک ب ناڤێ راستی دبە. ئاکۆ و ئەو ژ هەڤ ڤەدقەتن و ئاکۆ یێ پێشمەرگە د شەرێ ل دژی داعشێ دا شەهید دبە.

هیزار گەلەک د خەما کوردستانێ دا یە و چارەسەریێ د دەولەتبوونێ دا دبینە، لێ باوەر ناکە ئەو ئارمانج ب گەندەلیا هەیی بجهـ بهێ. ئەو ب وێ باوەریێ یە؛ خەباتا دەولەتبوونێ بێ سەرۆکەکێ ئەفریت سەرناگرە و ئەو وێ چەندێ د کەسێ تەنگەزاری دا دبینە. تەنگەزار یێ کو هەمی ژیێ خوە ب خەباتا سەرخوەبوونێ را دەرباز کریە، دەست ب شۆرەشا رەوشەنبیری دکە و سووند دخوە کو ئەو دێ دەولەتا کوردی رابگەهینە.

تەنگەزار، د ٢٠٢٠.٠٣.٢١ێ دا سۆزا خوە بجهـ تینە و دەولەتێ رادگەهینە و رۆمان ب ئاخفتنا تەنگەزاری یا دەولەتراگەهاندنێ یا ژ بۆ خەلکێ ئامادەبوویی ب داوی تێ.

ژ رووپەرێ ٣٧: "... ئەم یێن ماینە ب دەڤ و لێڤێن ئێکڤە ژ بۆ پۆست و کورسیک و باقێن پیێن ژنان، ڤیلایێن سەرێن گرێن بلند و ب دەهـ دونەم ڤە د سیمەکری و مساتەحەکری..."